आँबुखैरेनी क्याम्पस भवनको शिलान्यास

निर्माणाधीन आँबुखैरेनी क्याम्पस भवनको एक समारोह बीच भारतीय दूतावासका डेपडी अफ मिसनका जयदिप मजुमदारले गरेका छन् । भवनको शिलान्यास गर्दै मजुमदारले नेपाल र भारत सदियौंदेखि असल मित्र रहेको बताए । उनले क्याम्पसको कम्पाउण्ड र पुस्ताकलाय भवन निर्माणको लागि दुतावासमा सिफारिश गर्ने बताए । भारतको सहयोगमा जिल्ला विकास समिति तनहुँले निर्माण गर्दै गरेको भवन २ करोड ७१ लाखमा निर्णाण हुदै छ भने भारतले आँबुखैरेनी क्याम्पसलाई ४ करोड ६ लाख सहयोग गरेको हो । सिलायान्स कार्यक्रममा तनहुँका स्थानिय विकास अधिकारी छविलाल रिजाल, जिल्ला प्राविधिक कार्यालयका प्रमुख इन्जिनियर सोमराज तिमिल्सिना, जिल्ला शिक्षा अधिकारी हरि गौतम लगायतको उपस्थिति थियो । कार्यक्रम क्याम्पस संचालक समितिका अध्यक्ष वंशीराम प्रधानको अध्यक्षतामा भएको हो । सो अवसरमा क्याम्पस प्रमुख ऋषी केसीले स्वागत मन्तव्य प्रदान गरेका थिए ।