मृगौला पिडितलाइ सहयोग का लागी आर्थिक संकलन तिव्र

हरिराम उप्रेती, आवुखैरेनी
आवुखैरेनी ः दुवै किड्नी फेल भएका मनकामना ६ कान्टारका जग वहादुर थापाको स्वास्थ्य उपचारार्थ लियो क्लव अफ आवुखैरेनीले करिव ४० हजार आर्थिक संकलन गरेको छ । बुधबार बाट क्लवले घरदैलो अभियान सञ्चालन गरि आर्थिक संकलन थालेको हो । बुधबार र विहिबार आवुखैरेनीका विभिन्न ठाउँबाट करिव १९ हजार रुपैया संकलन गरिएको लियो क्लव अफ आवुखैरेनीकाका सचिव राजु श्रेष्ठले जानकारी दिए । दुवै किड्नी फेल भएका थापाको आर्थिक स्थिती न्युन रहेकाले उनको उपचारार्थ आर्थिक संकलन थालिएको क्लवले जनाएको छ । अहिले सम्म आवुखैरेनी चोक, तल्लो बजारमा प्रत्येक घर धुरिबाट आर्थिक संकलन गरिएको छ । तल्लो बजार, पेट्रोल पम्प भित्रि बजार पञ्चायत भवनमा अझै आर्थिक संकलन गर्न बाँकि रहेको लियो क्लव अफ आवुखैरेनीका अध्यक्ष अनिल श्रेष्ठले बताए । साथै थापाको स्वास्थ्य उपचारको लागी क्यानडामा रहेको प्रेम गुरुङले सात हजार पाँच सय ५४ रुपैया र युयइमा रहेका शुसिल थापाले १२ हजार रुपैया आर्थिक संकलन गरेका क्लवका सचिव श्रेष्ठले बताए । आवुखैरेनीका सवै ठाउँमा घरदैलो कार्यक्रम पश्चात एक कार्यक्रम गरि संकलित रकम थापाको परिवारलाइ हस्तान्तरण गरिने सचिव श्रेष्ठलेब बताए । समाजसेवा गर्ने उदेश्यले स्थापना भएको क्लवले आर्थिक संकलन गरिएको क्लवका अध्यक्ष श्रेष्ठले जानकारी दिए । सहयोग गर्न चाहनेका लागी क्लवका अध्यक्ष श्रेष्ठको ९८०२८०२१०६, एनसियस कम्पयुटकार प्रोपाइटर प्रेम श्रेष्ठको ९८५६०२९६९५ र क्लवका सचिव श्रेष्ठको ९८४१७०९२०७ मा सम्पर्क गर्न सकिने पनि क्लवले जनाएको छ ।