ऐना पहरामा ट्रक दुर्घटना दुईको मृत्यु, सेना र प्रहरी द्धारा उद्धार (फोटो फिचर )

पृथ्वीराजमार्गको कोत्रे मुग्लिङ सडक खण्ड अन्र्तगत आँबुखैरेनी गाविसको वडा ७ स्थित ऐना पहरामा ट्रक दुर्घटना हुँदा दुईजनाको मृत्यु भएको छ ।

जिल्ला प्रहरी कार्यालय तनहुँले दिएको जानकारी अनुसार मुग्लिङ बाट आँबुखैरेनी तर्फ आउदै गरेको ना ४ ख ९०४७ नम्बरको ट्रक आज विहान पौने ७ बजे दुर्घटना हुँदा ट्रक चालक बारा निजगढ निवासी सुदिप गौतम र अन्य एक जनाको मृत्यु भएको छ ।

प्रहरीका अनुसार दुवै जनाको घटना स्थलमा नै मृत्यु भएको हो ।कस्मेटिक सम्बन्धि सामान लिएर आएको ट्रक सडक देखि दुई सय मिटर तल मरस्याङदी नदीमा खसेको छ । घटनाको जानकारी पाए लगत्तै स्थानीय कालिभञ्जन गण नम्बर २ फिल्ड गुल्मका मेजर प्रकाश खड्का र इलाका प्रहरी कार्यालय आँबुखैरेनीको टोलीले सयुक्त रुपमा उद्धार गरेको थियो । दुर्घटना खास कारण थाहा हुन नसकेको प्रहरीले जनाएको छ ।