मोवाइल चार्ज गर्ने क्रममा करेन्ट लागेर एक महिलाको मृत्यु

दमौली ६ माघ । तनहुँको श्याम्घा गाउँविकास समिति वडा नं ८ स्थित लोध भन्ने ठाउँमा मोवाइल चार्ज गर्ने क्रममा करेन्ट लागेर आज एक महिलाको मृत्यु भएको छ ।
जिल्ला प्रहरी कार्यालय तनहुँले दिएको जानकारी अनुसार मृत्यु हुनेमा सोही ठाउँ निवासी ५५ वर्षिय लक्ष्मी पाटा रहेकी छन् । घटनाको विषयमा विस्तृत जानकारी लिन प्रहरीको एक टोली घटना स्थल तर्फ गएको समेत प्रहरीले जनाएको छ ।