तनहुँको आँबुखैरनीबजारमा सगुन सहकारीको स्थापना भएको छ । हामी र हाम्रो समुदायको समृद्धिको आधार भन्ने मुख्य उद्धेश्य राखेर सहकारीको स्थापना गरिएको हो । सहकारीको उद्घाटन गर्दै सहकारी डिभिजन कार्यालय दमौलीका प्रमुख गौतम भण्डारीले सहकारीले उत्पादनमुलक क्षेत्रमा लगानी गर्नुपर्ने बताए । उनले मात्रात्मकरुपमा भन्दा गुणात्मक रुपमा सहकारीले नयाँ क्षेत्रमा हातहाल्दै ऋण परिचालन गर्नुपर्ने बताए । सहकारीका अध्यक्ष बसन्तराज श्रेष्ठले आँबुखैरेनी उदाउँदो बजार भएकोले यस क्षेत्रको विकासको लागि सहकारीले भूमिका निर्वाह गर्ने बताए ।
सगुन सहकारीसँगै आँबुखैरेनी वडा नं। ६ मा मात्रै ४ वटा सहकारी र एक सहकारीको शाखा कार्यालय स्थापना भएका छन् ।