मर्स्याङ्दी विद्युत् गृह चारदिनका लागि बन्द

मर्स्याङ्दी जलविद्युत परियोजनाको विद्युत गृह चारदिनका लागि बन्द गरिएको छ । तनहुँको आँबुखैरेनी गाविसस्थित ६९ मेगावाट क्षमताको  मर्स्याङ्दी जलविद्युतको बाँध क्षेत्रका ढोका निर्माण गर्नका लागि विद्युत् गृह बन्द गरिएको हो ।

ऋाबुखैरेनी ७ मा अवस्थित मस्याङदी जलविद्युत परियोजनाको विद्युत उत्पादन केन्द्र

सो विद्युत् गृहबाट पूर्णरुपमा विद्युत् उत्पादन बन्द हुँदा राष्ट्रिय प्रसारणमा ठूलो असर परेको बताइएको छ । नदीमा पानीको बहाव घट्दै गएपछि विद्युत् गृहले ६० मेगावाट मात्रै विद्युत् उत्पादन गर्दै आएको छ । विद्युत् गृहमा रहेका युनिट नं १, २ र ३ को आउटलेटमा रहेको गेग्य्रान हटाउने कार्य भने सम्पन्न भइसकेको विद्युत् गृहका प्रमुख चन्द्रशेखर चौधरीले बताएका छन् ।