विविध कार्यक्रमका साथ कृष्णजन्माष्टमी मेला सम्पन्न

आँबुखैरेनी पोष्ट संवाददाता/ यसवर्षको कृष्णअष्टमी मेला देशका विभिन्न भागमा विविध कार्यक्रमका साथ सम्पन्न भएको छ । यसैगरी तनहुँको आँबुखैरेनीमा पनि यही अवशर पारेर विभिन्न कार्यक्रमहरु सम्पन्न गरेको छ । आँबुखैरेनीको आँबुखैरेनी सांस्कृतिक मंचको अगुवाई भएको उक्त मेलामा लाखे, टाकटुके, दोहोरी कौरा नाच लगायत विभिन्न झाँकीहरु प्रदर्शन गरिएको थियो । उक्त कार्यक्रममा सहभागीहरुलाई पुरस्कारको समेत व्यवस्था गरेको थियो । आँबुखैरेनीको एकमात्र कृष्ण मन्दिरमा भक्तजनहरुको भिड लागेको थियो । यो मेला आँबुखैरेनीमा हरेक वर्षको कृष्णाअष्टमीको दिनमा लाग्ने गर्दछ ।
मेला भर्नको लागि विभिन्न ठाउँहरुबाट मानिसहरु सहभागी भएका थिए ।< तस्विर सौजन्य :राजेश सुनाम/जय श्रेष्ठ