लागुऔषध सहित आँबुखैरेनीमा २ जना पक्राउ

आँबुखैरेनी पोष्ट सम्वाददाता
आँबुखैरेनीको बजार वाट कारोवार गर्ने दुई जनालाई प्रहरीले पक्राउ गरेको छ । इलाका प्रहरी कार्यलय आँबुखैरेनीले दिएको जानकारी अनुसार पक्राउ पर्नेमा आँबुखैरेनी बस्ने १८ वर्षिय शिव लामा र १९ वर्षिय र रन्जित श्रेष्ठ रहेको छ । उनीहरुको साथवाट डाइजोपान ५३ थान, फिनेग्रा ५३ थान ,नोट्रेन ५१थान ,फोक्सेन १०२ थान वरामद गरिएको छ । लागुऔषध संगै पक्राउ परेपछि उनीहरुलाई अनुसन्धानको लागि जिल्ला प्रहरी कार्यलय दमौली पठाइसकेको छ । आँबुखैरेनीमा अत्यधिक लागुऔषधको कारोवार हुन थालेपछि व्यापकरुपमा मिडिया र स्थानीय जनसमुदायहरुको दवाव परेको थियो । अहिले प्रहरीले आँबुखैरेनीको कुनाकुनामा छापा मार्न थालेको छ । यसमा संलग्न अन्य कारोवारीहरुको पनि व्यापक खोजतलास भइरहेको इप्रका आँबुखैरेनीले जानकारी दिएको छ । स्थानीय वासिन्दाहरुले प्रहरीको यो कदमलाई खुलेर सहयोग गरेका छन् । उनीहरुले आँबुखैरेनीमा यसमा फस्ने र यसको कारोवारीहरु धेरै रहेकाले यो क्रम लाई निरन्तरता दिन समेत आग्रह गरेको छ ।