चुम्बकिय शक्तिका चमत्कारी बालक (विचित्र संसार )

फलामका टुक्रा या यस्तै अन्य धातुहरुलाई चुम्बकले तानेको पहिलो पटक देख्ने जो कोहीको अनुहारमा आश्चर्यको भाव झल्किन्छ नै । धेरै केटाकेटीहरु त चुम्बक र फलामको टुक्राहरु खेल्दै रमाउँछन् पनि । स्कुले शिक्षाका कारण आजभोलिका साना केटाकेटीहरुमा भने चुम्बक र चुम्बकिय शक्तिबारे ज्ञान सामान्य भैसकेको छ । तर मानिसको शरिरमा पनि चुम्बकिय शक्ति हुन्छ भन्दा चाहि धेरैलाई पत्यार नलाग्ला । यो अब कुनै काल्पनिक र मनगढन्ते कुरा नभई वास्तविकता बनेको छ । क्रोसियाका एक ६ वर्षे बालकको शरिरमा चुम्बकिय शक्ति भएको समाचारले विश्वका लाखौ जमातलाई तिन छक बनाइदिएको छ ।इभान स्टोल्जकोभिक नामका बालकको शरिरमा चुम्बकिय शक्ति भएकै कारण उनको शरिरमा किचनका चम्चा, काटा, फ्राइङ प्यान, मोबाइल, चक्कुलगायत अन्य धातुका घरेलु सरसामान टासिने गरेको परिवार स्रोतलाई उधृत गर्दै बेलायती पत्रिका मिररले जनाएको छ । बालकको छातीमा २५ किलो वजनसम्म धातुहरु टाासिने थाहा भएको छ ।यति मात्र हैन, इभानको हातमा हिलिङ पावर -रोग निको पार्ने क्षमता) समेत रहेको परिवारको दाबी छ । एक पटक हजुरबुबाको पेट दुखेको र पछि इभानले आफ्नो हात उहाँको पेटमा राख्दा तातो भई निको भएको परिवारका सदस्यहरुको दावी छ । चमत्कारी यी बालकले संसारका धेरै बैज्ञानिकहरुको ध्यान आफूतिर खिच्न सफल भएका छन् । रहस्य र चमत्कारै चमत्कारले भरिपूर्ण यो ब्रम्हृाण्डमा इभान अहिले बैज्ञानिक अनुसन्धानको विषय बनेका छन् । onlinekhabar..