गोरखाको उत्तरी क्षेत्रमा बाटो खन्ने क्रममा ५ जनाको मृत्यु

कैलासवावु श्रेष्ठ/गोरखा
चैत्र १४ गते । गोरखा सदरमुका देखी उत्तरमा रहेको छेकम्पार गाउँ विकास समितिमा वाटो खन्ने क्रममा आज ५ जनाको माटो र ढुङाले पुरीएर मृत्यु भएको छ ।
सदरमुकाम देखी सुदुर उत्तरमा रहेको छेकम्पार गाविसमा गाउँ विकास समितिवाटो विनियोज रकम वाट वडा नम्वर ६ र ७ मा पर्ने पाङ्गधा गाउँमा वाटो खन्ने क्रममा दिउसो ४३० वजे ढिस्कोले पुरीएर स्थानिय दोर्जे लामा, आङ्गदो लामा, डुप लामा, वुझुयो लामा र याङ्गजेल लामाको घटना स्थलमा नै मृत्यु भएको हो ।
खुन्जु खोला नजिक रहेको उत्त वाटो खन्नका लागि दुई वटा गाउँ वाट स्थानिय जनताको सहभागीता रहेको स्थानिय दावा ग्यालजेन लामाले जानकारी दिनु भएको हो ।
गोरखा सदरमुकाम देखी हिडेर ६ दिनमा पुग्न सकीने उत्त स्थानमा रहेको प्रहरी चौकी वाट घटना लगत्तै उद्वारका लागी ७ जना प्रहरी गएको जिल्ला प्रहरी कार्यालय गोरखाले जानकारी गराएको छ । घटना कसरी घटन गयो त्यो विषयमा भने भोली मात्र थाहा हुने छ । घटना परी के कति जना घाइते भएका छन त्यो भने जानकारी आउनै वाँकी रहेको छ ।